Подарок за бурата – четврти по ред најгледан филм на Нетфликс

 

 

Филмуваната верзија на третиот дел од Бастанската трилогија, Подарок за бурата, по само една недела прикажување на Нетфликс се најде на четвртото место на најгледани филмови на оваа платформа.

Инаку, и овој филм е снимен по книгата на маестралната шпанска авторка Долорес Редондо и преставува финале на мегапопуларната трилогија за детективката Амаја Саласар.

Филмските верзии на првите два дела од трилогијата исто така доживеаја голем успех на Нетфликс, односно за само една недела по премиерата Заветот на коските беше најгледан филм на Нетфликс во Шпанија и во Италија, а меѓу десетте најгледани во другите европски земји.

Засега на македонски се преведени првите два дела од книгите од Бастанската трилогија,  Невидливиот чувар и Заветот на коските, а до крајот на годината се очекува да се комплетира преводот и на завршниот дел, Подарок за бурата.

Приказната за настаните од Бастан досега е преведена на над 30 јазици и продадена во милиони примероци.

 

Ако не можете да го дочекате третиот дел на хартија, еве ви совршен предлог за филмски викенд.