Нема производи.

Нема производи.

Марија Јосифовска, нов член во тимот на Антолог

  /  Специјалитет на куќата (Антолог препорачува)   /  Марија Јосифовска, нов член во тимот на Антолог

Марија Јосифовска, нов член во тимот на Антолог

 

 

Марија Јосифовска е нов член на нашиот тим, која си го пронајде своето место меѓу полиците во нашата книжарница во Центар. Можеби веќе сте ја сретнале и сигурни сме дека со помош на нејзините препораки сте си нашле нешто прекрасно за себе или за подарок. Во оваа пригода таа ви ги препорачува петте омилени наслови од „Антолог“ што никако не смеете да пропуштите да ги прочитате.

 

„Невидливиот чувар“ – Долорес Редондо

За големите љубители на крими-трилери,оваа книга е ТОП погодок. Мене ми се врежа во срце, ми остави најголем впечаток од многуте трилери што ги имам прочитано. Сѐ е магично навезено од страна на авторката,од самата идеја за приказната, до тоа како е сѐ совршено составено, до крајниот дел, преводот на книгата, сѐ да те остави без збор. Амаја ме освои како лик затоа што е подготвена да ги потисне горчините што ѝ ги наметнало минатото и да се врати на местото каде што се родила, каде што израснала, за да се соочи со некои членови на своето семејство, но и да донесе правда за семејствата што се завиени во црно од страна на сериски убиец што убива девојчиња и немилосрдно ги остава голи, покрај река, со мал сувенир на најинтимниот дел од телото, сувенир што е познат за жителите на Елисондо, но уште подобро е познат за самата Амаја. Што се случува понатаму со приказната, ве предизвикувам да прочитате сами.

 

„Црвениот адресар“ – Софија Лундберј

Оваа книга ми дојде баш добро во моментот кога ја читав. Ја читав и си ја замислував бабичката Дорис пред мене, се радував заедно со неа, тагував заедно со неа, едноставно толку многу бев понесена од приказната. Една прекрасна животна драма за која верувам дека долго ќе биде запаметена.

 

„Совршената дадилка“ – Лејла Слимани

Дали е сѐ така како што изгледа на прв поглед?
Книгава е тука да нѐ научи дека и под најсовршениот човек што ние го гледаме со голо око може да се крие истовремено и најподло суштество. Во најлош случај, тој човек да убива од чиста љубомора… (П.С. Научи дека не се верува секому!)

 

„Виенски гамбит“ – Анде Јанков

Пак јас како љубител на крими-трилери! Оваа книга ми овозможи да се прошетам до Виена, да се вплеткам во најголемото злосторство – убиството, и да го решам заедно со главниот инспектор Виктор и да се вратам назад во Скопје. Интересно, зарем не?

 

„Модар накит“ – Катарина Винклер

Најмалата книга што ја имам прочитано, а најголеми чувства разгори во мене, верувам и во поголем дел од сите нас, жените. Грев, страв, сожалување, бес, тага и, на крајот, радост за Филиз, едно невино девојче што очекуваше да го живее животот за кој отсекогаш сонува, поттикната од дотогашната ситуација во која се наоѓа, а дали ќе го живееше таквиот живот?
Не!
Наместо тоа, го живее најужасниот можен живот.
А, зошто?
Ве оставам да откриете сами. 🙂

Comments

  • Христина Герасимовски
    28/05/2021

    Четири од пет прочитани, Виенски гамбит му остана, прекрасни книги!

    reply

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram