Нема производи.

Најпознати цитати на Џорџ Орвел

  /  #bookworm   /  Најпознати цитати на Џорџ Орвел

Најпознати цитати на Џорџ Орвел

 

 

Џорџ Орвел, британски писател, есеист, новинар и еден од најтемелните критичари на општеството во современо време. Некои од неговите цитати, повеќето постари од половина век, ги докажуваат неговата проникливост и проекции за иднината.

„Њујорк тајмс“ го рангира на второто место во листата на 50 најголеми британски авторски имиња по 1945 година.

Најпознати негови дела се сатиричната басна „Животинска фарма“ и дистопискиот роман „1984“. Во своите дела Орвел предвидел многу нешта што се случуваат во современиот свет.

Во продолжение прочитајте некои од најпознатите цитати на Орвел. Ќе бидете изненадени со каков остар сарказам им приоѓа на социјалните неправди:

„Можеби човек не сака толку да биде сакан колку да биде разбран.“ (1984)

„Ако сакаш да чуваш тајна, мораш да ја скриеш од себе.“ (1984)

„Ако сакаш слика на иднината, замисли чизма што гази врз човечко лице – засекогаш.“ (1984)

„Војната е мир. Слободата е ропство. Незнаењето е сила.“ (1984)

„Ќе се сретнеме на местото каде што нема темнина.“ (1984)

„Но, ако мислата може да го расипе јазикот, и јазикот може да ја расипе мислата.“ (1984)

„Двомислата значи моќ на држење на две спротивставени верувања во умот на човек истовремено, при што и двете се прифаќаат.“ (1984)

„Можеби лудакот едноставно беше малцинство од еден човек.“ (1984)

„Животните надвор гледаа од свиња на човек, па од човек на свиња, па повторно од свиња на човек; но веќе беше невозможно да се каже кој беше кој.“ (Животинска фарма)

„Во лицето на болката нема херои.“ (1984)

„Севкупно земено, човечките суштества сакаат да бидат добри, но не премногу добри и не цело време.“

„Сите животни се еднакви, но некои животни се поеднакви од другите.“ (Животинска фарма)

„Пишувањето книга е ужасна, истоштувачка борба, како долго тешко боледување. Човек не би се нафатил на такво нешто ако не го гони некој демон на кој не може ниту да му се спротивстави, ниту да го разбере.“

„Во време на измами, да се каже вистината е револуционерен подвиг.“

„Ако слободата воопшто значи нешто, тогаш треба да им се каже на луѓето тоа што не сакаат да го слушнат.“

„Политичкиот јазик е осмислен така што прави лагите да звучат вистинито и убиството достојно за почит, и да му се даде цврстина на ветрот во магла.“

„Суштината да се биде човек е да не се бара совршенство.“

„Цела уметност е пропаганда, но, од друга страна, не цела пропаганда е уметност.“

„Најефикасен начин да се уништи еден народ е да се избрише неговото сопствено сфаќање на неговата историја.“

„Секое поколение се замислува себеси како поумно од тоа пред него и помудро од тоа по него.“

„Национализмот е глад за моќ обоен во самозалажување.“

„Најбрз начин да ја завршите војната е да ја изгубите.“

 

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram