Храпешко

Опис

Во зафрлено место покрај Вардар живее Храпешко – градинар и лозар со легендарна вештина: со едно движење на ножиците може да ви ја скрати брадата, а да не почувствувате ништо.

Зрак светлина во црквата ќе му ја отвори вратата кон светот на боите, стаклото и уметноста – свет кој никогаш дотогаш не го почувствувал. Неговата фасцинација ќе го одведе до тајната работилница на мајсторот стаклар, каде огнот и човечките раце создаваат чуда. Но додека тој открива нови убавини, луѓето околу него го гледаат со недоверба и осуда.
Градинарот кој случајно ќе се здобие со слава како уметник – стаклодувач, почнува да живее помеѓу два мита: митот за Западот и оној за Истокот; помеѓу две приказни: едната смешна, другата тажна; помеѓу два света: едниот реален, другиот имагинарен; помеѓу две жени… Затоа не се снаоѓа во тој XIX век. Којзнае можеби, во некој од наредните?!
Романот „Храпешко“ е најпреведуваниот роман на Ермис Лафазановски, досега присутен на словенечки, хрватски, српски, бугарски, албански, полски, руски и  арапски јазик!