Нема производи.

Книги

  /    /  Љубовни и романси, Книги, Фикција  /  Ќерката на трговецот со свила

Ќерката на трговецот со свила

Шифра: 31843 Категории: , , Ознака: Преведувачи:

500,00 ден

Опис

Незаборавна приказна за една жена растргната помеѓу два света…

Француска Индокина, 1952 година. Кога Никол, полу-Французинка, полу-Виетнамка, ќе наполни осумнаесет години, нејзината мајка умира и татко ѝ ѝ препушта да се грижи за одамна затворената продавница за свила во Ханој. Но нејзината сестра Силви е таа што ќе го преземе управувањето со големиот семеен бизнис. Погодена од оваа неправда, почнува да ги чувствува и неправдите на колонијалната власт кон Виетнамците.

Додека бунтовниците со сите расположливи средства се обидуваат да стават крај на владеењето на Французите, Никол е на крстопат помеѓу Тран, озлогласен виетнамски бунтовник што ѝ нуди совршено бегство од неволите, и Марк, шармантниот американски трговец и маж за каков што отсекогаш сонувала. Исправена пред големите одлуки, животот ќе ѝ тргне во неочекуван правец…

Магична повест за мрачните тајни, сестринското ривалство и страсната љубов, сместена во колонијалната ера на Далечниот Исток.

Од бестселер-авторката на МИРИСОТ НА ЛИСТОВИТЕ ЧАЈ

 

Дополнителни информации

Маса 400 g
Издавач

Антолог

Година

2022

ISBN

978-608-243-518-3

Оригинален наслов

Dinah Jefferies, The Silk Merchant's Daughter

Страници

400

Формат

13×20

Koрица

мека

Јазик

македонски

Едиција

Бранови, книга 327

Рецензии

  1. Ана Ѓурова

    Ќерката на трговецот со свила

    Го сакам жанрот на книги кои те носат од едно на друго место,во друго време и те прават дел од него.И ова е еден таков роман.Од историските фикции секогаш се учи за минатото,па дури и за она за кое немаш поим.Дајна Џефрис совршено ќе ве телепортира во Виетнам во тие тешки години од колонијалната ера.Додека ги читате нејзините зборови се чувствувате како да сте дел од местото што го опишува.Посебно внимание обрнала на деталите, со великодушни описи на околината,храната,мирисите.Нејзиниот наратив е убаво исткаен како свилата во приказната и тоа ни докажува дека е извонреден писател.
    Фасцинантна,емотивна,тажна приказна во која ни се претставени односите во семејството,посебно односите помеѓу две сестри,нивното ривалство,љубомората,љубовта,војната и пријателството.Низ цела книга се провлекува една љубовна приказна која ме воодушеви.
    Дејството не носи во Ханој,Виетнам,Француска Индокина,1952 год.Никол е (метис)-полу-Французинка,полу-Виетнамка.Таа е дел од две сосема различни култури,но чувствува како да не припаѓа ниту на една.Татко и’ решава да се повлече од бизнисот и на Никол и’ ја остава старата продавница за свила во виетнамската четврт,а на нејзината сестра и’ го препушта целиот бизнис.Со оваа неправда таа се чувствува како да живее во сенка на нејзината сестра.Тоа е така, бидејќи Никол изгледа како нејзината мајка Виетнамка,а нејзината сестра изгледа како права Французинка,како нејзиниот татко.Така Никол на свои 18 год,станува сопственик на веќе затворена и застарена продавница.Но,таа не се откажува,го прифаќа наследството и оди да живее на вториот кат од продавницата за свила во виетнамската четврт и’ се труди да го разработи дуќанот со свила. Изгледот не и’ е проблем и лесно се вклопува со околината и населението.Во меѓувреме го запознава Марк,американски трговец и се вљубува во него.Кога бунтовниците се обидуваат да го урнат владеењето на Французите се појавува Тран,виетнамски бунтовник кој и’ нуди бегство од проблемите.И така оваа млада жена ќе се најде помеѓу два света,два правци,две страни,две насоки,двајца мажи,а постои само една љубов.Животот и’ тргнува во неочекуван правец,а дали тој е вистинскиот и таа самата не знае.Оваа неверојатно волшебна приказна ќе ви открие многу тајни,страсна љубов,сестринско ривалство,но и борба за идентитет и припадност.
    Сите знаеме за ужасите кои ги носат војните,глад,бегање,криење,убивање,но и борба за сопствениот живот.Живот кој иако е таков каков што е ,кога ќе дојде момент на уништување,на војна,станува приоритетен и многу важен.Секој затечен од војна, на секаков можен начин ќе се бори за да си го спаси сопствениот,а и животот на луѓето кои му значат.Во оваа книга ни е опишан Виетнам со неговите убавини,неговите мириси,но за жал и со неговите долгогодишни војни.Иако војните во Виетнам почнале уште во далечната 1787год.за време на владеењето на царот Луј XVI и траеле се до 1975 год. кога Виетнам е обединет под комунистички режим.Тука е опфатен периодот од 1952 до 1954 год.кога Виетнам бил француска колонија и со Женевската конвенција е поделен на Северен и Јужен Виетнам.Авторката направила детално истражување за оваа книга и нејзините описи на ликови,на околина,на допирот на свилата се волшебни,нарацијата и’ е лесна и преубава.Едноставно така ги ткае зборовите што ќе ги почувствувате и свилата и мирисите и максимално ќе се внесете во самата приказна.Оваа незаборавна и волшебна приказна топло ви ја препорачувам.

Add a review

Your email address will not be published. Required fields are marked *

Кошничка

Како да нарачам

Со одбирање на копчето ВО КОШНИЧКА што се наоѓа покрај секој продукт, продуктот се префрла во вашата кошничка.
Одберете ВИДИ КОШНИЧКА доколку сакате да ja промените кошничката.
Одберете НАРАЧАЈ ВЕДНАШ доколку сте ги одбрале сите барани продукти.
Точно потполнете ги сите потребни информации.
Уплатата може да ја извршите со картичка или со уплата во банка.
Цената на испораката во Македонија е 120 денари.
Рокот за испорака е од 2 до 3 работни денови.
ПОВЕЌЕ

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram