Опис
Животот на едно мало дете ќе згасне во сообраќајна несреќа поради невниманието на неговите родители, кои своите конфликти и расправии секогаш ќе ги ставаат пред својот син. Некаде во истиот град, една млада самохрана мајка ќе се бори да излезе накрај меѓу обврските што ги има работејќи како келнерка и желбата своето дете да го израсне во љубов и грижа. Во исто време, една осумнаесетгодишна девојка, отфрлена од семејството и од околината, ќе го остави своето тукушто родено бебе на клупа во паркот и ќе си го одземе животот. Сите овие трагични приказни ќе ги поврзе една голема љубов, нов зрак надеж во суровата игра на судбината.
Романот „Љубов низ солзи“ зборува за храброста на жените, за безрезервната љубов на мајките, за важноста на поддршката и разбирањето во рамките на семејството.
