Опис
Романот „Врвна уметност“ е поглед кон подземјето на урбаното општество на Рио де Жанеиро, Бразил. Еден адвокат е ангажиран за случај на убиство на две проституки. Во својата истрага открива садизам, криумчарење на кокаин, сериски убиства, мафијашки пресметки.
Потрагата тргнува од буквата П испишана со нож на лицето на убиената проститутка. Нема отпечатоци, сведоци, нема докази. Само ракописот на убиецот. За да го дешифрира, адвокатот Мандрагора, еден од најважните ликови на современата книжевност, влегува во фанатична авантура низ мрачната страна на метрополата, додека ножевите тивко и смртоносно се подаваат од рака во рака.
„Врвна уметност“ со месеци се наоѓала на врвот на листата на бестселери во Бразил. Критиката, која со најголеми епитети се искажувала за авторот Рубен Фонсека, на голема врата го пречека романот, во Бразил и надвор од него. Според „Врвна уметност“ е снимен истиомениот филм на Валтер Салес во 1991 година, кој обилно прикажува насилство, поврзувајќи трилер и психологија. Ликовите се ерудити што говорат за митологија, шах, вино, употреба на ножеви и правни цитати на англиски и на латински.
