Нема производи.

Романси за уживање во денот на виното и љубовта

  /  #bookworm   /  Романси за уживање во денот на виното и љубовта

Романси за уживање во денот на виното и љубовта

 

 

Човек може да живее и без среќа ако има љубов.

Достоевски ја величал љубовта, која ретко кому не му станала инспирација.

Време е за малку љубов. Ах, таа љубов, прави да се чувствувате како да можете да сторите сѐ, и можно и невозможно.

Февруари постепено стана месец препознатлив по љубовта и виното. Зима е, сѐ уште. Студеното време и тоа што сонцето само понекогаш нѐ поздравува нѐ прават тажни и нерасположени. Но имаме лек за тоа.

Во чест на Денот на вљубените, ги одбравме од нашите полици најубавите книги што раскажуваат за љубовта. Без оглед дали сте вљубени или сѐ уште мечтаете за вистинската љубов, овие неколку предлози ќе ви прават пријатно друштво:

 

„Прашалникот е половина срце“ – Софија Лундберј

Елин Боулс има навидум совршен живот. Таа е позната фотографка, поранешна манекенка, која живее во Њујорк со сопругот и ќерката. Има успешна кариера и прекрасно семејство. Но под сета таа фасада се крие една осамена жена што бега од своето минато. Тајните ќе почнат да излегуваат на површината оној момент кога таа ќе добие писмо од еден стар пријател.

Еден ден Елин добива писмо од  Готланд, мал остров во близина на Шведска, каде што го има поминато своето сиромашно детство. Писмото е глас од минатото, кое Елин со сите сили се труди да го заборави бидејќи носи мрачни тајни што своевремено ја натерале да се отсели од родниот крај.

„Прашалникот е половина срце“ е приказна за надминување на срамот и вината, за вистината и прифаќањето на својата природа, но пред сè за тоа како вистински да сакаме.

 

 

„Мирисот на листовите чај“ – Дајна Џефрис

Сместена во дваесеттите години на минатиот век, приказната ја следи младата Англичанка Гвен, која има среќа да ја сретне љубовта на својот живот – русокосиот сопственик на плантажа од Цејлон (денес Шри Ланка). Таа доаѓа со пароброд на островот за да стапи во брак што ветува долг и мирен живот среде високите зелени ридови со чај. Но Лоренс е постојано на работа, а неговата млада сопруга мора сама да ја истражува плантажата. Талкајќи по забранетите места, Гвен наоѓа заклучена врата, премолчено минато.

Гвен наскоро ќе остане бремена, а нејзиниот сопруг е пресреќен. По породувањето таа се соочува со страшната одлука што мора по секоја цена да ја скрие од Лоренс. Кога вистината ќе излезе на виделина, дали сопругот ќе може да ѝ го прости на Гвен тоа што го направила?

 

„Зулејха ги отвора очите“ – Гузел Јахина 

Ова не е патријархален роман. Ова е женски роман во најубавата смисла на зборот. Главен херој е зеленооката Зулејха. Жена што ќе го посведочи убиството на сопругот од страна на комунистите и жена што ќе го преживее прогонството на Сибир. И така засекогаш ќе го напушти родниот микрокосмос.

Таа е принудена на мачно патување со товарен воз до најоддалеченото место на бреговите на реката Ангара во Сибир. Животните услови во руската тајга носат сосема поинаква тежина. Многумина не ја преживуваат долгата зима. Тоа е средина составена од: селани, интелектуалци, криминалци, чесни луѓе, муслимани, православни, атеисти, Татари, Руси и Германци. Во групата на Зулејха има еден напорен доктор, еден сликар, еден пар, еден криминалец, но и – Игнатов, убиецот на нејзиниот сопруг. Заедно започнуваат да градат нов живот, далеку од своето минато. Заедно мора да создадат – љубов!

 

„Свила“ – Алесандро Барико

Овој краток роман со кој Барико се стекна со светска слава е сместен во францускиот град Лавилдје, во 1861 година, и ја раскажува приказната на Ерве Жонкур – Французин што заработува за живот преку продавање свилени буби. Тој ја обожава својата жена Елена, која верно ги следи неговите патувања низ животот.

По извесно време, се јавува епидемија што ги заразува свилените буби, а Ерве мора да замине во далечната земја каде што се произведува најубавата и најнежната свила – Јапонија. Во време кога во Јапонија не може да влезе ниту еден трговец, а камоли да изнесе од нивните толку добро чувани свилени буби, Ерве ќе се обиде да го направи невозможното.

Суптилна, нежна и изненадувачка, „Свила“ е возбудлива приказна за еротското поседување. Сензуален и хипнотички роман, кој раскажува приказна за авантурата и за опсесијата.

 

Comments

  • Tatjana Ristovska
    09/02/2021

    Девојките од песочниот часовник, Ана, Модар накит и Совршената дадилка

    reply

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram