Кој е Џејсон Рекулак?

Џејсон Рекулак е автор на три романи. Неговиот прв трилер бил прогласен за „Трилер на годината“ од страна на „Амазон“, победник на „Избор од читателите“ на „Гудридс“ и е потенцијален кандидат за сценарио во продукција на „Нетфликс“. Авторот е исто така номиниран и за наградата „Едгар Алан По“, која се доделува од страна на здружението на „Американски писатели на мистерија“.

Пред да стане писател, Џејсон работел како издавач за една издавачка куќа во Филаделфија. Преку оваа работа успеал да прослави и неколку автори.

Околу љубовта кон пишувањето и приказните

Вели дека читал и пишувал уште од кога знае како се прават тие нешта. Бил заинтересиран за издаваштвото, па во индустријата случајно се впуштил кога бил во петто одделение, бидејќи започнал своја компанија за стрипови. Но бидејќи бил дете и ги немал сите потребни алатки, морал сите стрипови да ги прави со помош на фотокопир, па верува дека тој бизнис бил во пропаст уште од самиот старт.

Првата книга која авторот се сеќава дека ја прочитал

Веројатно детската илустрирана верзија на Библијата од издавачот „Пингвин“. Книгата имала фасцинантни илустрации од арката на Ное. Како дете бил фасциниран од сите тие животни вклопени во приказната.

Книгата која направи да сакате да станете автор

Џејсон не се сеќава дали некоја конкретна книга пробудила во него желба за тој да стане автор, но никогаш нема да заборави дека крајот на книгата „Мостот до Терабита“ го оставила без зборови. Имал околу десет години кога ја прочитал и дотогаш тоа дело било најмоќното парче фикција кое тој го прочитал. Споредувајќи со сегашноста, зборува за тоа како тогаш,  ниту во еден детаљ од дизајнот на книгата не било откриено нејзиното големо изненадување.

Книга за која не може да престане да размислува

„Бакнеж пред смртта“ од Ира Левин е книгата која тој постојано ја препорачува. Авторот пишувањето на книгата го завршил на својот 23-ти роденден, а првично е издадена во 1953-тата година. Иако можеби бара малку привикнувањево читањето бидејќи е дело старо повеќе од 70 години, книгата ги содржи сите најинтересни пресврти кои Џејсон ги сака во крими-романите.

Што е следно од Џејсон?

Тој веќе работи на нов трилер! Но е премногу рано да се сподели што било повеќе.