Нема производи.

Бобан Здравковски Андреевски, уредник

  /  Специјалитет на куќата (Антолог препорачува)   /  Бобан Здравковски Андреевски, уредник

Бобан Здравковски Андреевски, уредник

 

 

„Сточки мудрости за секој ден“ од Рајан Холидеј, Стивен Ханзелман

Навраќање на јадровитата филозофија на римските стоичари, како потсетување дека вистината важи засекогаш и насекаде, како отрезнување за човекот од ова време, чиј ум е „распартален“ што од стрес, што од „немање-никогаш-никаде-неделничко-време“ па да подразмисли која му е поентата на животот – кој е, што е – па така малку по малку да се вивне до сознанието дека вистината е една за сите, дека и пред него живееле, дека и пред него размислувале, дека и пред него имало со премрежија; и дека тие претходни искуства би можело да му ја разблажат свеста и да му ја порекнат погрешната убеденост дека она вистинитото е релативно. А тие искуства, тие продукти на древната филозофија се „пресилна храна“ за умствената концентрација на човекот од ова време, па затоа е полезно да му се дава „на лажичка“, ко иљач, распоредено по една сентенца од делата на Сенека, Епиктет и Марк Аврелиј, на ден, на секој од 365-те дена на годината. И тоа со коментари на тие размисли, што не треба да оптоваруваат туку да поттикнат на мислење. Оваа книга е резултат на еден извонредно изведен баланс помеѓу силата на сè уште живата стоичката реч и практичниот приод на современата поучна психолошка литература.

 

„Пепелник во еден хотел во Скопје“ од Славој Жижек

Ако претходноприкажаната книга (Стоички мудрости), којашто се темели на материјал земен од класичната филозофија, од некое „дамнешно“ во историскиот тек на западната мисла, каде што целисходноста на човековата размисла е насочена кон она што е „образец“ – во метафизичка, гносеолошка, етичка и естетичка смисла – тогаш книгата на Жижек ја прикажува парадоксалноста на денешната идеолошка ситуација. Секако, сето тоа во стил на „рафал“-експресијата на Жижек, со неговата умешност да комбинира, да скандализира, да смеша примери во опсег на своето видување на хегелијанизмот, на марксизмот и постмодерната па сè до феномените на поп-културата. Вивиден, смел, ерудит – Жижек го сведува парадоксот на современиот мисловен хабитус со анегдота поврзана со Скопје – како увод во своите пет есеи, во кои она современото се „кине“ за анализа и се осмислува.

 

„Пропаганда“ од Едвард Бернејс

А една од причините за денешната „безпочвеност“ на духовната положба на човекот, на испакнување во преден план на грубиот прагаматично толкување на светот и животот, дури и она што Жижек го нагласува во претходноприкажаната книга (Пепелник во еден хотел во Скопје) – имено, парадоксалноста на денешната идеолошка ситуација – е тоа што ткивото на западната опшествена свест е (било) длабоко „издраскано“ со инфективното влијание на пропагандата – тој особен социолошки феномен на дваесеттиот век – како и на текстонските историски случувања во „дваесеттиот век – столетието на војните“,. Ако Фројд ја откри динамиката на човековото психе, тогаш неговиот внук Едвард Бернејс ги откри механизмите на обликувањето на јавната свест, на „психологијата на масите“, а со тоа ги има втемелено основите на  пропагандата. Оваа книга е пионерски придонес во оваа област.

 

 

 

„Мистикот Јунг“ од  Гери Лакман

Книга-биографија која ја потврдува доминантниот езотериски аспект на животот и размислата на Карл Густав Јунг. Спојот на окултните-херменевтички традиции и новата психолошка мисла, го чинат овој исклучителен мислител да биде една од основните современи интелектуални и духовни фигури. Книгата го прикажува и Јунговиот живот кој бил преисполнет со паранормални искуства.

 

„Планино, убавице“ од  Вера Лилчиќ

Дневник на една планинарска душа, приказ на сите потфати по прелестните гори на брдовитиот Балкан, исповед на сите чувства предизвикани од планинарскиот набој на чувства при величенствените средби човек-планина, човек-природа, во дијапазон од она ничеанско (тука модифицирано): „што си ти планино ако нема око човечко да те види, ако нема човека нога да стапне по твоите падини“ до она што неизбежно ја смалува човековата значителност кога ќе се соочи со велелепноста и застрашувачката моќ на Планината. Книгата претставува истовремено споменар на една младост, на еден живот обележан со љубовта спрема височините.

 

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram