Читател на годината 2020
НАЈчитател за 2020 година е Јулијана Арсовска.
На 4 февруари 2021 година го доделивме традиционалното признание НАЈчитател за 2020 година.
Антолог ја награди нашата читателка Јулијана Арсовска за лојалноста со пригодна статуетка и ваучер од нашата книжарница.
Јулијана нѐ посети и во таа пригода кратко поразговаравме. Еве што ни кажа:
Која е Јулијана Арсовска накратко:
- Јулијана студирала италијански и шпански јазик, магистрирала театар и книжевност во Осло, Норвешка. Во моментов живее на релација Македонија – Норвешка.
Како дознала за Антолог:
- Вели дека за Антолог дознала од својата пријателка, Анета Попова, авторка на „Тринити“, која ѝ препорачала да појде на саем на штандот на Антолог и да ја купи нејзината книга. Тоа било во 2009 година и така почнала дружбата со Антолог.
Омилени наслови од Антолог:
- „Младата сопруга“ на Алесандро Барико, книгите на Аманити, „Имприматур“ на Моналди и Сорти. Во моментов го чита „Лав Толстој: Бегство од рајот“.
Што би сакала да чита следно од Антолог:
- Се надева дека ќе бидат преведени и другите книги на Моналди и Сорти.
Ѝ благодариме на Јулијана за убавите зборови што ги сподели со нас и за нас. А ние ветуваме дека и понатаму ќе ги исполнуваме очекувањата на нашите читатели.
