Близначки

Опис

Историската и човековата приказна се судираат во овој психолошки роман, кој почнува во 1990 година со една случајна средба на две возрасни жени во белгиското одморалиште Спа. Двете жени се дојдени на бања. Но не е случајно што обете страдаат од артритис. Стариците, всушност, се близначки, одделени во детството поради смртта на нивните родители. Ана останала во родната Германија, каде што ќе ја израсне дедото во голема селска сиромаштија, додека Лоте е пренесена во Холандија од страна на роднините. Од тој момент го губат контактот една сo друга и се на спротивни страни за време на подемот на Хитлер и распалувањето на Втората светска војна. Лоте до срж ги презира Германците бидејќи се омажила со холандски Евреин. Додека Ана се омажила со офицер на нацистичките СС-единици од Виена. Сепак, и двете сестри во војната ги загубиле партнерите, едната при бомбардирањето на сојузничките сили, втората во австриски концентрационен логор.

Во двата обиди да се сретнат, тешко комуницираат. Првпат се наоѓаат 40 години по војната. Но тешко се разбираат. Трогателната приказна се распламтува преку сеќавањата и разговорите полни со лутина бидејќи имаат голем број несогласувања. Теса де Ло уметнички ткае два мошне развиени лика на богата историска заднина. Вечните прашања на вина и соучество остануваат нерешени, иако романот суптилно раскрива проблематични места од прашањата за националниот идентитет и семејната поврзаност. Како што сестрите полека сфаќаат дека не е сè црно-бело така читателот е принуден да погледне длабоко во себе пред да ги осуди другите.

Првпат објавен во 1993 година, овој потресен роман го истражува непријателството што постоело меѓу Германците и другиот дел од Европа по Втората светска војна. Дејството се раскажува на женствен, сензитивен и провокативен начин, без директно воспевање и осудување.