Дебитант

Опис

„Дебитант“ е совршен, смртоносен отров, кој не остава траги.

Неговиот создател, хемичарот Калитин, работел во тајната советска лабораторија, но по распаѓањето на Советскиот Сојуз избегал на запад. Потполковниот Шершнев добива наредба да го отруе предавникот со истиот отров што тој го создал…

Трилерот „Дебитант“ е книжевна студија за отровите како алатка на советските и руските разузнавачки служби, а истовремено брилијантна проза за современиот Фауст, кој му ја продал душата на ѓаволот, како и за вечните теми: суштината на доброто и злото, врската меѓу творецот и неговата творба, науката и моралот.

„Сергеј Лебедев е прекрасен писател, кој поседува две ретки дарби: благороден стил и најпрефинета внатрешна оптика, која му овозможува да ја види и почувствува сета длабочина на антрополошката катастрофа што се случила во Русија во двесетти век. Лебедев успеал да го види она што останало невидливо за повеќето советски и постсоветски писатели.“  – Владимир Сорокин, руски писател

„Прозата на Лебедев, бившиот геолог, го открива она што е скриено под земјата: внатрешниот живот на минатите генерации, погребан под слоевите на официјалните митови и самозалажување… Чуден дуализам, кој им овозможува на татковците полни со љубов дење да му служат на тиранот, а ноќе грижливо да ги покриваат своите деца со ќебиња.“ – Лук Хардинг, британски писател и новинар

„Книгите на Лебедев се за една историја што како сенка лежи врз сето она за што тој пишува. Ваквиот интензитет на нејзиното присуство зборува за тоа дека конфликтите и контрадикторностите што се втемелени во неа до денешен ден не се разрешени и сè уште влијаат врз руското општество – можеби не толку очигледно, но доволно силно.“ –  Карл Уве Кнаусгор, норвешки писател