Мулен руж

Од „сказни за големи деца“ до „раскази за сечиј вкус“, таква е траекторијата на оваа книга. Преку овие (нај)куси прозни творби ќе патувате во просторот и во времето. И назад. Од задгробниот живот до светот на легендите, од Втората светска војна до сегашноста, од „Мулен руж“ до Матка, од Белград до Охрид, се испреплетени многуте љубовни и судбински приказни на ликовите што пленат со својата анегдоталност, а на моменти толкава реалистичност, како пред очи да ни поминува (авто)биографски филм. Стилот на Лилчиќ ќе нѐ натера да го слушнеме џагорот на Париз, но и да се нурнеме во кршливите длабочини на човековата интима.