Опис

„На плоштадот Дијамант“ е историски и психолошки роман што го опишува секојдневјето на обичните луѓе. Дејството се одвива во населбата Грација во Барселона, Шпанија, и ја раскажува сторијата на Наталија, жена како и многуте други на кои војната им ја уништила сета надеж. Таа прифаќа сè што животот и сопругот ѝ го наметнуваат. Дури и тоа да ѝ го сменат името во Гулабица. Но сето тоа завршува по граѓанската војна. Наталија ќе се побуни против сето она што смета дека е неправедно, а една од главните битки е да си го врати своето вистинско име.

Како и во другите нејзини романи, авторката игра со симболите. Гулабите што Наталија ги чува дома ѝ служат на Родореда како симболичен елемент да ја прикаже еволуцијата во живототот на главниот лик.

Според овој роман е снимен истоимениот филм во 1982 година.