Само еден труп повеќе

Кога близок роднина на младиот Санчо Бордабери ќе му подари полни сандаци книги, тој решава да отвори мала книжарница во Гечо во периодот по граѓанската војна. Веднаш се здобива со поддршката на Колдобике, упорна жена полна елан. Всушност, Санчо се обидува да стане писател во стилот на Дашиел Хамет и Рејмонд Чендлер, автори на детективски романи што се случуваат во Чикаго или во ЛА, со лаконски типчиња во мантили за дожд и пиштоли во футроли. Но стварноста го удира во лице. Издавачите му ги враќаат ракописите. Сѐ додека еден ден не се сети дека единственото злосторство што се случило во Гечо пред војната уште не е разрешено и дека пишувањето за вистински случај може да биде одлично решение за човек без мечта. Тогаш Санчо се претвора во приватен детектив за да открие кој сакал да ги убие близнаците Алтубе врзувајќи ги со синџири на карпа за да ги удави морскиот прилив. Во текот на истрагата што ја води и разговорите со осомничените, открива дека всушност пишува роман во реално време и со нов стил, во кој тој истовремено е раскажувач и протагонист.