Опис
Емануела Пагано едноставно и нежно раскажува една исклучителна приказна. Храбар роман, поетски и возбудлив, роман што ја враќа надежта. Адела е главниот лик во романот, родена во тело на маж, но подоцна се подведува на операција за промена на полот. Во близина на нејзиното гратче има две езера.
Првото е вештачко и под него лежи имотот каде што таа е родена и каде што го поминала своето детство, со родителите и со братот Аксел. Второто е природно, вулканско езеро, каде што честопати оди да го помине своето време.
Како што постојат верзии од исто нешто во природата така и во човекот се кријат повеќе лица. Адела се враќа во родниот град, каде што ја ангажираат како возач на училишниот автобус. За учениците претставува вистинска мистерија што имаат желба да ја разоткријат. Прашањето е дали ќе можат?
Добитник на Наградата за литература на Европската Унија за 2009 година.
„Романот на Пагано не е далеку од тоа да се смета за ремек-дело, нурнувајќи се во срцето на женственоста, душата на детството и во убавините на снегот.“
Ле Матрикул де Анж
„Со овој роман, Емануела Пагано впливува во сентименталните проблеми, одгатнувајќи го постојаниот дуел меѓу апсолутната љубов и недоразбирањето… Како да имала потреба да го заштити читателот, или своите личности, кои се чувствителни, ранети. Веќе од првите страници имаме чувство дека се наоѓаме во некоја road-story во француски стил.“
Телерама
„Романот на Емануела Пагано се фокусира на потрагата по идентитетот, на хармонијата во светот. Троглодитни тинејџери се развива во една, како од памук, воздушеста средина. Природата во романот игра клучна улога. Деликатните зборови на Пагано го прават романот возбудлив. Студи. Трепериме. Возбудени сме, особено во допир со виртуозниот јазик на авторката. На моменти груб, како климата, без отстапки, но и поетски избрусен.“
Соар
Рецензии
Сѐ уште нема мислења