Нема производи.

„Сфинга на гневот“ најпродавана на Саемот на книгата

  /  Топ листи   /  „Сфинга на гневот“ најпродавана на Саемот на книгата

„Сфинга на гневот“ најпродавана на Саемот на книгата

 

 

Триесет и второто издание на Саемот на книгата заврши и подобро од очекуваното. Овој саем беше уникатен по многу работи. Прв саем во време на пандемија, па оттука и за првпат беше организиран на отворен простор, со протоколи за заштита од ковид-19, но и задолжително носење заштитни маски.

Иако е неблагодарно е да се споредува овој саем со минатогодишниот, факт е дека ниту новонастанатата ситуација не ги поколеба љубителите на книгата да го посетат и да ги збогатат домашните библиотеки со некој наслов плус. Поради посебните околности, годинава изостанаа издавачите од странство, како и промоциите на книги и автори гости од надвор, со што фокусот беше ставен на македонските автори и тоа помина одлично.

На штандот на Антолог најбарани, а со тоа и најпродавани беа трилерите и крими-мистериите, па така дури половина од топ 10 најпродавани книги се трилери.

 

 

Камбекот на македонскиот писател Жарко Кујунџиски, Сфинга на гневот, предизвика најголемо внимание на тукушто завршениот саем. Ова е едно интригантно и вешто смислено дело, жанровски и стилски палимпсест со кој Кујунџиски пристапува во досега неистражени предели на нашата проза.

На трилерската листа се најдоа и двата новитета во оваа категорија, Заклучи ги сите врати и Свекрва. Првата е спој на хорор-елементи и напната неизвесност со модерен заплет, мајсторски составена тензија со изненадувачки пресврт на крајот, хорор ремек-дело што опседнува, плаши и во исто време забавува. Додека другата, Свекрва, иако пристигна на саем дури третиот ден, привлече огромно внимание, не само поради предизвикувачкиот наслов туку и поради крими-приказната што ја крие помеѓу своите страници.

Новите случаи на Херкул Поаро, овој пат спакувани во третата приказна на Софи Хана, беа исто така меѓу најбарните наслови, а интересот за една од најпродаваните книги на Антолог изминатиов период, Деца на злото, не спласна ни на Саемот на книгата. Книгата, која доживеа 21 издание за година и пол во соседна Србија, беше и останува доста атрактивна и за домашната публика.

Авијатичарот на Водолазкин годинава буквално доживеа оживување. Книгата што минатата година се закити и со награда на „Букстар“, кога Водолазкин нè удостои и со свое гостување во Скопје, тогаш не предизвика толкав интерес како што беше случајот со годинашниов саем. Оправдувајќи го уште еднаш епитетот „рускиот Маркес“, Водолазкин истовремено потврдува уште еден епитет – гениј, бидејќи создава проза со силна духовна и литерарна димензија, претставувајќи го најмрачниот период на руската историја низ индивидуална судбина, зашто, како што и самиот вели, „политиката е на маргините во однос на она што се случува во душата на човекот“.

Нефикцијата како литературен жанр годинава помина одлично, особено во двете книги што го одбележаа годинашниот саем, првата нецензурирана биографија за Илон Маск и Пропаганда – капитално дело  на основачот на односите со јавноста како професија и на изумителот на спинувањето, Едвард Бернејс.

Шведската сензација Софија Лундберј со својата втора книга, Прашалникот е половина срце, беше најпродавана љубовна романса – приказна за надминување на срамот и вината, за вистината и прифаќањето на својата природа, но пред сѐ за тоа како вистински да сакаме.

Од насловите за деца на саемот на книгата се издвои Уципуци си го бара домот – несекојдневна, креативна, едукативна и по многу нешта оригинална книга за најмладите читатели.

Изданието е со висококвалитетни колор графички решенија, кои имаат забавен карактер, но и едукативна компонента. Ова е интерактивна книга што во себе содржи и куклен театар.

Со ова издание Антолог продолжува да работи на афирмација и збогатување на литературата за деца со квалитетни наслови што ќе ги поттикнат и ќе ги развијат читачките навики уште од најмали нозе.

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram