Нема производи.

НОВА Е-КНИЖАРНИЦА НА „АНТОЛОГ“, ЗА СУПЕРИОРНО КОРИСНИЧКО ИСКУСТВО

  /  Соопштенија   /  НОВА Е-КНИЖАРНИЦА НА „АНТОЛОГ“, ЗА СУПЕРИОРНО КОРИСНИЧКО ИСКУСТВО

НОВА Е-КНИЖАРНИЦА НА „АНТОЛОГ“, ЗА СУПЕРИОРНО КОРИСНИЧКО ИСКУСТВО

 

 

29 јуни 2020, Скопје – Издавачката куќа „Антолог“ од Скопје со големо задоволство објавува дека на веб-локацијата http://www.antolog.mk/ е достапна новата интернет-страница, која е во модерен дизајн и со многу нови функции што ќе им помогнат на корисниците брзо и лесно да ги пронајдат сите информации и со уживање да ги одберат најдобрите книги.

 

Новата интернет-книжарница е создадена да понуди супериорно корисничко искуство со врвна навигација и функционалност, притоа овозможувајќи им на виртуелните посетители да го видат целосниот каталог на нови изданија, портфолиото на издавачката куќа, тековните настани и акциите што ги нуди оваа издавачка куќа.

 

Новите функции на интернет-страницата на „Антолог“, меѓу другото, вклучуваат:

  • целосен и детален преглед на сите наши изданија во портокаловата онлајн книжарница. Oвој дел е изработен на рамниште на најголемите светски издавачки куќи. За секоја книга се дадени различен вид на информации: категорија, жанр, маса, година на издавање, ISBN, наслов на оригиналот, број на страници, формат, подврска и јазик на изданието, но и за прв пат кај нас информации за преведувачот или илустраторот, како и со нови филтри за производи за што полесно пребарување и снаоѓање;
  • новиот литературен блог „Антологџии“, на кој ќе бидат достапни најразличен вид на содржини, и едукативни и забавни, наменети  за сите генерации читатели;
  • посебна секција „Creative Europe“ посветена на „Bookstar“, еден од најбрзорастечките книжевни фестивали во регионот, како и на книгите објавени во соработка со програмата „Креативна Европа“ на Европската Унија;
  • врвна сигурност и заштита на корисничките информации;
  • можност за креирање личен профил со историја на нарачки и за првпат на нашиот пазар – приспособливост за користење на картичката за лојални читатели и онлајн;
  • уникатна секција „Со потпис на авторот“, каде што корисниците ќе можат да нарачаат книги со автограм на дел од домашните и странските писатели;
  • копче за разговор во живо и компатибилност на сите интернет-пребарувачи и мобилни уреди.

„Нашата интернет-страница ги поврзува сите наши активности на едно место и му овозможува на секој посетител да има брз и лесен пристап до светот на литературата, и тоа од дома, или каде и да се наоѓа. Тоа е особено важно во оваа технолошка доба но и во овој период на светска пандемија во кој интернетот и социјалните медиуми се од исклучителна важност. Интернет пазарувањето е во глобален пораст, кај нас онлајн купувачите сѐ уште стравуваат дека нема да се снајдат или дека ќе им се случи злоупотреба на податоците. Со оваа наша книжарница сите сомнежи се надминати а купувањето онлајн е претворено во врвно задоволство во само неколку чекори.“, велат од „Антолог“.

 

Во ист ден со новата интернет-страница, од печат излегуваат и пет нови изданија:

  • третото и последно продолжение од приказните за Шерлок Холмс насловено Враќањето на Шерлок Холмс од Артур Конан Дојл, со што за првпат кај нас во целост се објани сите раскази за најпознатиот детектив на сите времиња,
  • книгата со практични совети за воспитување на деца од психотерапевтот Хедвиг Монгомери со наслов Мудар родител – среќно дете,
  • колаборативниот книжевно-уметнички проект Pismo.docx од Ана Јовановска и Бранислав Лукиќ Лука во новата едиција „Сталакмити-сталактити“,
  • трилерот на годината Мојата сестра сериски убиец од Ојинкан Брејтвејт,
  • како и најновата книга за деца на Александар Кујунџиски, На крилјата од песните.

 

Освен тоа, нашите читатели ќе имаат можност во одделот „Други производи“ да го одберат и новиот продукт Кутија Фредрик Бакман во која ќе може да ги чуваат омилените дела од „шведската сензација што ги стопли срцата на сите читатели“.

 

Покрај детални информации за секое издание и можноста за онлајн-купување, новата интернет-страница ќе понуди и бесплатни аудиокниги, можност да се прочитаат првите неколку страници на дел од новите изданија, директно линкување до електронските верзии на делата преку платформата „Книготека“ и многу други нешта.

 

За време на промотивниот период од еден месец „Антолог“ најавуваат и бесплатна достава на сите нарачки, како и подарок книга за сите нарачки над 500 денари.

 

Со предностите и функциите на новата е-книжарница, остануваме лидери во воведување иновации во издавачкиот сектор, сѐ со цел задоволни корисници.

 

 

Добре дојдовте во светот на книгите, добре дојдовте во „Антолог“!

 

Следете нè на:

 

Facebook

https://www.facebook.com/pages/%D0%9A%D0%BD%D0%B8%D0%B6%D0%B5%D0%B2%D0%B5%D0%BD-%D1%86%D0%B5%D0%BD%D1%82%D0%B0%D1%80-%D0%90%D0%BD%D1%82%D0%BE%D0%BB%D0%BE%D0%B3/875936129129247?ref=aymt_homepage_panel

 

Twitter

@Antolog_Books

 

Instagram

antolog_books

 

Youtube
https://www.youtube.com/channel/UCPMeZZYy8_NAAGJ4bUR3OeA

 

Контакт Aнтолог
Кристина Велевска

078/290-745
kristina@antolog.mk

Напиши коментар

13 − 1 =

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram