Двојниците од темнината

Опис

По навидум случајна средба со една чудна старица, Борис од неа добива клуч и мошне мала куќичка за кукли. Заедно со своите другари и другарки ја отвораат куќичката и пред нив се прикажува нешто неверојатно: внатре се наоѓаат фигури што личат на нив. Некоја мрачна сила намислила да ги замени нашите јунаци со свои послушни двојници! Борис и друштвото почнуваат борба со злите суштества, а притоа добиваат помош и од една сенка.

Ова е возбудлива и морничава авантура на тринаесетгодишни тинејџери кои ќе западнат во средиштето на чудни случувања, на границата помеѓу овој свет и некоја друга димензија. Приказна за силата на пријателството, за важноста на заедништвото и за незаменливоста на искреното другарување.