Кој ми го убил кучето?

Единствената желба на Мартина е да има свое куче. Всушност, нејзиното семејство има куче, но тоа е бавно, старо, здодевно и најважно од сè – не е само нејзино. Со големи напори Мартина успева да ги убеди родителите да ѝ дозволат да си го земе малото бело кутре, кое ќе го нарече Снег, или нагалено Снешко. Животот со Снешко не тече онака како што си го замислувала Мартина. Снешко е глув, непредвидлив, не слуша наредби и постојано бега од домашниот двор. При едно од многуте бегства, за жал, завршува под тркалата на еден автомобил. Но чиј? Мартина започнува детективска истрага. Во тоа ѝ помагаат верните другари од селото, во кое животот е неспоредливо поубав отколку во Прага.

За секое дете ретко има поголем шок од сознанието дека неговото милениче го нема веќе.