Опис
Одлично раскажана приказна на една исклучително современа и актуелна тема – прашањето на иселеништвото, дилемата дали да се живее во сопствената земја или да се емигрира во странство во потрага по некаков подобар живот.
Марко е студент по економија кој заминува во Англија и се населува во големиот индустриски град Бирмингем. Доаѓа со желба да најде начин да го исплати кредитот и почнува да се занимава со градежништо. Наскоро му се придружува и неговата девојка Сандра која е понесена од идеалите за пиење чај на англиски начин. Но стварноста е сосема поинаква. Бидејќи не може да најде работа по струка како учителка, прифаќа да работи на шалтер на автобуска станица.
„Иако главните ликови во книгата се Хрвати, егзистенцијалните дилеми што ги преокупираат Сандра и Марко се слични на прашањата што ги споделуваат голем број луѓе од различни географски средини, вклучително и нашата. Приказната е раскажана на фрагментиран и непретенциозен начин, а сепак се покриени голем број теми поврзани со прашањето на иселувањето, односот кон инаквите, животот на границата меѓу познатото и непознатото, стереотипите што ние ги имаме за другите и стереотипите што другите ги создаваат за нас. Сите овие рефлексивни аспекти се доловени на суптилен начин, низ дијалози или куси одломки природно вклопени во текот на приказната.“
Владимир Јанковски
Рецензии
Сѐ уште нема мислења