Опис
Неповторлива уметничка фузија од креативната енергија на Борхес и Касарес. Пародија на детективскиот жанр, но истовремено и негово ремек-дело. Низ хумор и непредвидливи заплети, се движиме низ шесте приказни на дон Исидро Пароди. Овој парадоксален детектив ги решава најсложените случаи со неверојатна вештина, без да излезе од својата ќелија во државниот затвор, каде што одлежува казна неправедно осуден.
Ова извонредно и сатирично дело е суштинскиот клуч на плодната соработка меѓу двајцата големи аргентински писатели, кои прават спој на ерудиција, пародија, мистификација и мистериозност. Нивните заеднички книги своевремено биле објавувани под името Онорио Бустос Домек, фиктивен лик што ги збунувал и критичарите и читателите.
