Тино од мојот влез

Опис

„Жарко Кујунџиски, автор што сè уште важи за млад, но кој со необично интересен настап во македонската литература внесе свежина и модерен пристап во темите што обично вечно кружат низ авторските ракописи, овој пат се нафаќа да го слика светот на детето, и тоа преку триесетина куси раскази, чија стожерна личност е детето Тино – Тино од мојот влез, како што нагласува авторот. Тино е современо дете, со фантазија соодветна на модерното чувствување. Тој без пречки живее и соработува со јунак од типот на Супермен, Спајдермен или Бетмен, овој пат негов идол и пријател – Ле Жба, личен суперјунак, кој секогаш му доаѓа напомош и го извлекува од незгодните ситуации, зашто Тино е дете, како што нагласува авторот, кое, кога нема проблеми, само решава да ги создаде.“ – Оливера Николова