Опис
Аби Скуп Медокс е недоволно платена новинарка од Лос Анџелес, која е отпуштена од работа. Наместо да очајува, таа се нурнува длабоко во детективски задачи. Се обидува да расветли серија убиства што го следат моќното семејство Хигинс. Повеќето нешта што ги знае за убиствата ги знае и јавноста, како на пример фактот дека на секое место каде што се оставани жртвите се најдени и рој пеперутки околу телата. Поради овој факт сите весници и телевизии го нарекуваат убиецот – Убиецот на пеперутките. Аби наоѓа свое делче среќа во тоа што конечно може да го посвети своето време на својата вистинска страст – проучување на сериски убијци и нивно разоткривање.
Петнаесетгодишната Теодора Ристеска Даскаловски раскажува лесно, свежо, со жаргон карактеристичен за младите насекаде во светот. Книгата, која првично беше објавена на англиски јазик, дефинитивно е динамично и возбудливо четиво што се голта во еден здив!
