Во август

Опис

До каде сме подготвени да одиме заради другиот?

Додека во август сите се радосни, Даниела секоја година во тој месец нешто губи. Наместо утеха, летото ѝ носи болка; наместо прегратки, ја обгрнува анксиозност. Во семејството се чини дека никој со никого не е близок затоа што за ништо не се зборува отворено. Даниела се повлекува во читање и во пишување. Студира англиски јазик и книжевност со голем ентузијазам, а по завршувањето на првата година го запознава Штепан.

Тие почнуваат врска и на Даниела ѝ се чини дека конечно се појавува излез од неподносливите лета и од сенките на минатото. Но тоа е само привидно. Во овој психолошки интензивен роман, на суптилен и оригинален начин се отвора темата на т.н. геслајтинг  форма на манипулација во која границите меѓу вистината и илузијата се бришат, а жртвата почнува да се сомнева во сопствената перцепција, сеќавања, одлуки и разум.

Книгата е дел од проектот „ЕУрека“, кофинансиран од програмата Креативна Европа на Европската Унија.