Затворениот ковчег

Леди Ателинда Плејфорд е една од омилените авторки на книги за деца. Таа приредува забава на својот имот. Тоа не е обичен собир. Додека гостите пристигнуваат, леди Плејфорд го повикува својот адвокат за да го измени тестаментот и сето тоа да го соопшти во текот на вечерта. Одлучува да ги лиши сопствените деца од сè, а целото богатство да му го остави на некој кому му остануваат сè на сè неколку недели живот.
Меѓу гостите се и двајца мажи што дотогаш ги нема сретнато  белгискиот детектив Херкул Поаро и Едвард Качпул, инспектор од Скотланд Јард. Ниту еден од нив не знае зошто е повикан. Поаро се прашува дали леди Плејфорд очекува да се случи убиство, но не може да сфати зошто таква провокација кога се знае дека можниот убиец е меѓу присутните?
Кога убиството навистина ќе се случи, и покрај сите обиди на Поаро да го спречи, ќе може ли славниот детектив да ја открие вистинската причина зошто леди Плејфорд ја направила драстичната промена во тестаментот? И, ќе може ли да го открие вистинскиот убиец?
„Типична Агата… Ја доловува суштината на оригиналот без да биде евтина имитација… Се појавуваат траги, но случајот останува неодгатнат. Обожавателите на Агата Кристи ќе се воодушеват од познатата остроумност и замрсените индиции што водат до расплетот.“
Вашингтон пост
„Идејата на Софи Хана за оваа приказна е толку привлечна, а нејзината страст кон делата на мојата баба толку силна, што навистина сфативме дека е вистинското време да се напише нова книга за Поаро.“
Метју Причард, внук на Агата Кристи