Авел

Опис

Беше потребно да чекаме девет години за Алесандро Барико да му го претстави на светот својот најнов роман, кој тој самиот го опишува како „метафизички вестерн“!

Авел Кроу живее на имагинарниот Запад. Тој добро гаѓа со пиштол уште од дете. Како што самиот вели, станал маж на единаесетгодишна возраст, а возрасен на деветнаесет кога, како најстар син, останал сам да се грижи за своите браќа и сестра.
На дваесет и седум години, Авел се претвора во легенда, кога како шериф запира грабеж пукајќи истовремено со два пиштоли и погодувајќи две различни цели. Малку луѓе се способни за овој начин на гаѓање наречен „Мистик“.

„Авел“ не е наменет за прераскажување. Тоа е читателско патување низ имагинарниот свет на Барико, патување кое на секој читател ќе му понуди единствено и неверојатно искуство.