Опис
Што да направите кога вашето дете доживува некаква криза за која се чини дека нема никаква причина? Како да постапите кога детето не спие мирно, не сака да јаде или вреска секогаш кога треба да оди некаде? Повеќето родители би избрале една од овие опции: да збеснат или едноставно да се откажат. Но што ако постои и трета опција?
„Мудар родител – среќно дете“ е наменета за сите оние што имаат неколку години родителско искуство и имаат потреба од совети. Низ седум лесни чекори, психологинката и семеен терапевт Хедвиг Монтгомери ги води родителите и старателите на патувањето што им претстои затоа што родителството е долготраен проект – имате околу дваесет години да го завршите овој проект како што треба.
„Мудар родител – среќно дете“ е поучна и едноставна книга што ќе ви помогне да изградите цврст и среќен однос меѓу вас и вашите деца, без оглед на која возраст се.
„По дваесет години како семеен психолог, знам дека никој не е роден како добар родител. Но, исто така, знам дека речиси секој може да стане добар родител – и дека секој може да се подобри. Улогата на родител ќе биде најважната улога што некогаш ќе ја имате во вашиот живот. Таа ќе бара мудрост, знаење, многу храброст и уште повеќе самоосознавање. На моменти, ќе бара повеќе отколку што сте очекувале, но убавината на сето тоа се состои во следново:
Ако станете подобар родител, тогаш ќе станете и подобра личност.
Со други зборови, напорната работа се исплати многу.“
Х. М.
Рецензии
Сѐ уште нема мислења