Островот на срцебиењето

Опис

 Роман кој со својата едноставност успева да го трогне читателот и да пренесе пораки од непроценлива вредност што ги надминуваат сите очекувања.

Шуичи е млад илустратор на детски книги кој се справува со загубата на мајка му во куќата во која пораснал и која се обидува да ја реновира за да може да ја продаде или да ја изнајми. Тогаш се појавува осумгодишниот Кента и секој од нив настапува на свој начин во запознавањето и комуникацијата. Возрасниот со имагинација и со фантазија, детето со игра, со нелогичности и со доза меланхолија.

Дестинацијата на возбудливото патување на двајцата протагонисти станува островот Тешима во Југозападна Јапонија, каде што се наоѓа Архивата на срцебиењето.
Во неа се собрани срцевите отчукувања на луѓе од целиот свет. Секое отчукување е приказна, а сето тоа заедно е споменик на сеќавањето.
Ако не размислуваме за спомените и како тие функционираат, не можеме да откриеме ниту кои сме навистина. Оваа книга го прави токму тоа – ни овозможува да се сетиме на најважните нешта за да можеме да ја раскажеме нашата приказна.