Опис
Во што е разликата помеѓу љубовта и жртвувањето?
Каде е границата помеѓу чувството на достоинство, егоизам и горделивост?
Скршен од болест и тага, младиот петербуршки писател Иван Петрович (Вања) се присетува на минатите настани од сопствениот живот и животот на луѓето што му се блиски. Неговата пријателка од детството во која е вљубен, Наташа Ихменева, го засакува Аљоша, синот на кнезот Валковски, кој е главната причина за сите неволји на нејзиното семејство.
Наташа го напушта домот на своите родители, а нејзиниот татко, неправедно обвинет од страна на кнезот, финансиски уништен и емоционално повреден, ја проколнува својата ќерка.
Од друга страна, љубовта на Наташа и Аљоша наидува на непремостливи препреки поради инфантилниот и непостојан карактер на Аљоша кој е неспособен да прифати одговорност за своите постапки, како и поради притисокот од страна на неговиот татко, кој сака да го ожени за богатата Катја. Најпосле животните патишта на главните ликови се вкрстуваат преку малата Нели, чија судбина фрла ново светло врз животните погледи на останатите ликови.
„Понижени и навредени“ (1861) зазема посебно место во творечката биографија на Достоевски како прв поголем роман по неговото враќање од Сибир.
Рецензии
Сѐ уште нема мислења