Тажни мисли

Шифра: 32038 Категории: , , Ознаки: , Преведувачи:

450,00 ден

„Пазарот е преплавен со книги за тоа како да се постигне добро ментално здравје, почнувајќи од медитација, преку максимална концентрација, до лекување со медикаменти. Но, мозокот не се развил за потребите на нашата добросостојба, туку заради наше преживување и размножување. Стресните состојби, паничните напади, опсесивно-компулсивните нарушувања, дури и АДХД и дијагнозите во спектарот на аутизмот, сите тие носат еволуциски поволности. Психијатарот Андерш Хансен го сфатил ова, и сега ни ги испорачува своите размисли во неговата генијална и одлично составена книга. Апсолутно задолжително четиво!“
–Хуго Лагеркранц, почесен професор по педијатрија, институт „Каролинска“

 

„Андерш Хансен е нашиот најистакнат и најугледен јавен едукатор. Со неговиот кристалнојасен, максимално непосреден стил, кој во ниеден миг не отстапува исплашен од тешки прашања, Хансен пишува за еволуцијата, за мозокот и за тоа зошто многумина од нас се чувствуваат толку неубаво. Според мене, брилијантно. И, многу поучно“.
Давид Лагеркранц

Опис

Тажни мисли

Зошто се чувствуваме лошо кога ни оди добро?

 

Во оваа книга се испитува зошто, дури и кога ни оди добро во животот, многумина имаат тешкотии со сопственото ментално здравје, пред сè борејќи се со депресијата или со анксиозноста.

Лесно е да поверувате дека нешто ви се „расипало“ во мозокот кога се чувствувате ментално слаби, меѓутоа анксиозноста и депресијата се природни состојби и ги имало уште од дамнешни времиња, кога сме биле во опасност да изумреме од глад или од болести. Не сме создадени за постојано да сме задоволни и среќни. Да беше така, нашите предци немало толку долго да опстанат во историјата. Андерш Хансен ни покажува како функционира нашиот ум и ни дава надеж дека навистина можеме да се чувствуваме добро во денешново стресно и „дигитално конектирано“ општество. За да успееме, мора подобро да се грижиме за сопствениот мозок и тело – и, можеби, да престанеме постојано да ја бркаме среќата.

Во оваа книга се зборува за поблагите форми на депресија и на анксиозност, но не за биполарното нарушување или за шизофренијата. За ова има две причини. Прво и најважно, биполарното нарушување и шизофренијата се далеку посложени за истражување од она што би се сместило во опфатот на само една книга од областа популарна наука. Второ, проблемите со менталното здравје кои, како изгледа, се наоѓаат во подем во денешното општество, најчесто се поблаги форми на ментални болести. Шизофренијата и тешките форми на биполарното нарушување не се во подем, па затоа за нив не важат овде изнесените аргументи. Во книгава изнесувам еден биолошки поглед на менталното и на физичкото здравје, за кој од искуство знам дека на многумина им се гледа како полезен. Ако се чувствувате потиштено, побарајте помош, зашто помош може да се најде. А, ако земате каков било медикамент за одредена психијатриска состојба, секогаш најпрвин посоветувајте се со вашиот лекар.

 

 

Дополнителни информации

Маса 191 g
Издавач

Антолог

Година

2022

ISBN

978-608-243-582-4

Оригинален наслов

Anders Hansen, Depphjärnan: varför mår vi så dåligt när vi har det så bra?

Страници

192

Формат

13×20

Koрица

мека

Јазик

македонски

Едиција

Сафари на духот, книга 27

Рецензии

Сѐ уште нема мислења

Сподели го твоето мислење, можеби ќе му помогнеш некому во изборот.

Your email address will not be published. Required fields are marked *

Кошничка

Како да нарачам

Со одбирање на копчето ВО КОШНИЧКА што се наоѓа покрај секој продукт, продуктот се префрла во вашата кошничка.
Одберете ВИДИ КОШНИЧКА доколку сакате да ja промените кошничката.
Одберете НАРАЧАЈ ВЕДНАШ доколку сте ги одбрале сите барани продукти.
Точно потполнете ги сите потребни информации.
Уплатата може да ја извршите со картичка или со уплата во банка.
Цената на испораката во Македонија е 120 денари.
Рокот за испорака е од 2 до 3 работни денови.
ПОВЕЌЕ

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram