Записи од мртвиот дом

Опис

Затворете го човека во четири ѕида со најлошите претставници на општеството и ќе го видите неговото вистинско лице.

„Записи од мртвиот дом“ (1860 – 1861) е автобиографски роман на Фјодор М. Достоевски, напишан врз основа на неговите искуства доживеани за време на издржувањето на робијата во Омската затворска тврдина во периодот 1850 – 1854 г., која му била определена како замена за првично досудената смртна казна поради неговото учество во еден од тогашните револуционерни кружоци.

Заклучувањето во окови, принудната работа, животот со затворениците криминалци, блиското запознавање со нивните секојдневни навики, маки и страдања, довеле до силен пресврт во душата на писателот и оставиле неизбришлива трага врз целокупното негово творештво.

Филозофските размислувања на Достоевски за слободата како највисока вредност за поединецот, живите описи на секојдневниот живот на затворениците во сибирскиот затвор во XIX век, раскажувањата на трагичните судбини на робијашите и денес лесно го наоѓаат патот до срцата на читателите.