Моите пријатели

 #1 БЕСТСЕЛЕР АВТОР НА „ЊУЈОРК ТАЈМС“

Фредрик Бакман се враќа со незаборавна, духовита и длабоко трогателна приказна за четворица тинејџери чие пријателство создава врска која е толку силна што, дваесет и пет години подоцна, ќе го промени животот на еден сосема непознат човек.

Повеќето луѓе воопшто не ги ни забележуваат, три минијатурни фигури седнати на крајот на долга рибарска платформа, во аголот на една од најпознатите слики во светот. Повеќето мислат дека тоа е само слика на море. Но Луиза, која мечтае да стане уметник, знае дека постои нешто повеќе и решена е да ја открие приказната на овие три загадочни силуети.

Дваесет и пет години порано, во едно далечно приморско гратче, група тинејџери наоѓаат прибежиште од своите болни семејни животи, минувајќи ги долгите летни денови на една напуштена платформа, раскажувајќи глупави шеги, споделувајќи тајни и извршувајќи мали чинови на бунтовништво. Овие изгубени души еден во друг ќе пронајдат причина да станат секое утро, причина да сонуваат, причина да сакаат.

Од тоа лето ќе се роди величествено уметничко дело, слика што неочекувано ќе биде доверена на осумнаесетгодишната Луиза. Таа почнува патување полно со изненадувања, за да открие како настанала сликата и да одлучи што да направи со неа. Колку повеќе се приближува до родното местото на сликата, толку повеќе се плаши што ќе открие. Луиза е доказ дека среќните краеви не секогаш изгледаат така како што очекуваме во ова прекрасно сведоштво на преобразувачката и безвремена моќ на пријателството и уметноста.