Лавр

Опис

Роман за Бога, верата, времето и за тоа дека времето не постои, дека сè е едно и сè е поврзано со остатокот, книга за љубовта и за жртвувањето. Андреј Рубљов е во стилот на „Името на ружата“ во оваа длабока приказна, спектакуларно книжевно остварување. Специјалистот по средновековна историја, Евгениј Водолазкин, пишува на вечни теми како љубов, вера, саможртва и загуба, со огромна сила и со енергија на маестрален раскажувач.

„Лавр“ е напишана во форма на биографија. Се случува во доцниот петнаесетти век во село каде што еден исцелител е немоќен да ѝ помогне на саканата, гледајќи ја како умира при породувањето, уште невенчани и непричестена.
Очајниот маж се впушта во исцрпувачко патување во потрага по искупување. На ова тешко патување во сиромаштија им служи на луѓето. На патувањето со кое ги надминува времињата и државите, јунакот минува длабока и болна лична преобразба. Расфрлан во времето и во просторот, романот ја спојува темелно проучената историја со фантазијата на постмодерната вселена.
Романот „Лавр“ е добитник на престижната руска награда „Големата книга“ во 2013 година.

„Длабоко религиозен, просветлувачки роман, кој го слави животот.“
Леонид Јузефович
„Лавр е роман што може да ги отвори најскриените катчиња на душата.“
Лев Данилкин, списание Еднако
„Во книгата ќе уживате, ќе сакате да ја носите со себе, да ја препрочитувате на различни места, да ја подарите и да ја препорачувате на пријателите.“
Итоги
„Роман за љубовта во најдлабоката смисла на зборот. Истовремено и книга за времето. Односно, за отсуството на време, за времето надминато во заедништво со вечноста.“
Нова газета