Опис
Во „Баксузи“ писателот се враќа на своето родно место, каде што организираат бурлескна манифестација, Тур де Франс на пијаниците. Се запознаваме со татко му, Пјер, кој во поштенска торба на велосипедот го носи своето тукушто родено синче по сите кафулиња за да им го покаже на своите пријатели. Да не ги заборавиме и неговите мрзливи чичковци, за кои светското првенство во чашкомет е највисоката цел, а мотото е „Денот е пред нас, а ние се трудиме да го потрошиме“. „Баксузи“ е моќна трагикомична ода на безделништвото во најекстремната форма, а истовремено и смешно претставување на младоста. Верхулст е моќен стилист, кој со чувството за динамика и наративна сила го задржува интересот на читателите од првата до последната страница.
Според автобиографискиот роман „Баксузи“ е снимен истиоимениот филм од 2009 година, награден и на Канскиот фестивал.
