Штраке-штруке

Неколкудеценискиот творечки опус на одамна потврдениот автор Александар Кујунџиски, со книгата од сто и педесет поетски наслови „Штраке-штруке“, афирмативно и препозналиво се движи кон новите и актуелно отворени книжевни нагорнини.

Александар Кујунџиски на современата македонска книжевност за деца ѝ е од поодамна верификувано познат. Богат и своевидно самосвојствен, творечкиот опус на Кујунџиски го физиономираат десетици наслови. Неговата творечка енергија напливнувала речито и говорливо низ отворениот творечки хоризонт што ја исцртува мапата на детството и на детскиот свет. Срочен во податливите формати на различните книжевни родови и жанрови, Кујунџиски се олицетворил низ сите творечки исказности.

Зад него – видно творечко ехо. Пред него – нови предизвици.

Еден од нив е и ракописот „Штраке-штруке“, кој е ново и изразито респективно дело на овој наш најпродуктивен современ македонски писател за деца и млади.