Во лавовска кожа

„Во лавовска кожа“ е љубовна приказна и неодолива мистерија што се одигрува во возбудливиот, турбулентен свет на Канада во дваесеттите и во триесеттите години на XX век.
Мајкл Ондачи ги испреплетува авантурата, романсата и историјата, вистинска и измислена, вовлекувајќи нè во животите на мигрантите Македонци, Срби, Финци и Италијанци, кои работат на изградбата на Торонто, и во цела галерија други ликови: политички моќници, анархисти, градители на мостови, исчезнат милионер и неговата љубовница, спасена калуѓерка и шармантен крадец.
Ова е магична приказна за страста, привилегиите и суровата физичка работа, за мажите и за жените мотивирани од сомилоста и водени од моќта на своите соништа, понекогаш дури и со убиство. Овој роман си игра со границата помеѓу историјата и митот, модерен класик.