Опис
Мартин М. Шимечка, чиј татко бил затворан од комунистичкиот режим, и самиот имал затворени врати до нормалниот општествен живот. Книжевноста за него била точка на излез. Книгите на Шимечка во голема мера се автобиографски, поле каде што тој го открива својот поглед на светот. Во новелите од оваа книга, како авторот, и неговото алтерего се наоѓа на рабовите на општеството. Тешко воспоставува контакт со другите и сосредоточено се занимава сам со себе, како типичен индивидуалист. Создава сопствен свет. Редовно трча во природа, но не од љубов кон спортот, туку за да си докаже себеси дека може да ги поместува границите на издржливоста кај себе – кога ќе дојде до таа точка, победува. Тоа е всушност зајакнување на кондицијата во системот што го деградирал, го затворал. „Спортот го сфаќам како начин на преживување. Сакав да го преживеам комунизмот“, вели авторот.
