Нема производи.

Книги

Чуварницата

Шифра: 31301 Категории: , , Ознака: Преведувач:

350,00 ден

Опис

„Чуварницата“ ткае приказна за доаѓањето на модерниот свет во Ратлин, осамен ирски остров, на крајот на XIX век. Модернизирањето на островот погоден од бури е олицетворено во Нуала Брн, која поради несреќни околности е оставена од семејството да живее сама меѓу островците. Барајќи трошка среќа и удобен живот, таа се соочува со тешки одлуки од кои ѝ зависи животот. Во замена за покрив над главата, се согласува да се омажи за стариот кројач.

Во меѓувреме, островот врие од гласови за мистериозни странци што пристигнуваат со необична опрема за која се зборува дека ги краде зборовите од устата и ги пренесува преку океанот. Познатиот пронаоѓач Маркони составил тим од инженери да спроведуваат експерименти за потребите на безжичната телеграфија. Кога Нуала е испратена да им готви на странците, ѝ се отвораат непознати хоризонти. Го запознава и Габриел, еден од инженерите, и како што нивното пријателство почнува да се развива, таа сфаќа дека цената што ја платила за сигурен дом сепак била превисока.

„Чуварницата“ се најде во потесниот избор за Наградата за литература на Европската Унија во 2019 година.

Дополнителни информации

Маса 238 g
Издавач

Антолог

Година

2021

ISBN

978-608-243-469-8

Оригинален наслов

Bernie McGill, The Watch House

Страници

232

Формат

13×20

Koрица

мека

Јазик

македонски

Едиција

Бранови, книга 298

Рецензии

  1. Ана Ѓурова

    “Чуварницата”

    Уште еднаш роман со тешка и потресна приказна,но сепак волшебна.Прекрасни ликови на карактери,од оние со чиста емпатија до оние полни со зло.Оваа книга е една од многуте кои ни ги прикажуваат минатите генерации,какви биле и колку тешко им било.Иако низ целиот роман провејува љубовна приказна,централна тема е комуникацијата,радиокутиите на Маркони кои им овозможуваат на луѓето да ги пренесат зборовите до другата страна, преку морето до копното.Заплетот започнува флуидно, приказната е добро срочена,но расплетот ќе ве расплаче.Наративната промена на крајот ни дава нова перспектива,но со тоа се нарушува приказната на главната протагонистка во романот.

    Приказната е сместена на ирскиот остров Ратлин на крајот на XIX век.Романот започнува со раѓање на дете и потоа авторката не враќа назад пред една година.Се ткае приказна за модернизирање на островот,но главен фокус е Нуала Брн.Нејзиното семејство емигрирало во Њуфаундленд-Америка,кога таа била дете.Оставена на островот да се грижи за нејзините баба и дедо,таа има мудрост невообичаена за нејзините години.После нивната смрт ,без приходи таа се соочува со тешка одлука.Бидејќи и е потребен кров над глава,Нуала прифаќа да се омажи за стариот кројач на островот кој е двојно постар од неа.Но,тој не е сам,во пакет со него доаѓа и неговата постара сестра Џини.

    Во меѓувреме на островот пристигнуваат странци, вооружени со мистериозна опрема што може да ги украде зборовите на една личност и да ги пренесе преку воздух,па дури и преку океанот.Италијанскиот пронаоѓач Маркони(денес познат по трансмисија на радиобранови)праќа тим на островот да спроведуваат експерименти за безжична телеграфија.Џини, сестрата на “Кројачот”,жедна за пари и наложува на Нуала да им биде готвач во “Чуварницата” каде што тие се сместени.Тогаш на Нуала и се отвораат нови хоризонти, вештини и знаења.Таа го запознава Габриел кој е со тимот на Маркони и нивното секојдневно дружење и пријателство почнува да се развива.Тој сфаќа дека таа разива способност и интерес за технологијата и и’ пренесува дел од неговото знаење.И така почнува да разива и една романса.Во место кое е опустошено од бури ,Нуала се обидува да најде среќа и сфаќа дека цената што ја платила за сигурен дом била превисока.

    Ова е една горко-слатка приказна,со оригинален опис на ликовите во тој век,преубав опис на детали и на островот, приказна која е делумно лесна за читање.Авторката се потрудила со истражување да ни ги претстави овие вистински факти дека Маркони го користел островот за да ја тестира својата безжична врска.Ќе се информирате за се во врска со радиобрановите и безжичната технологија.А Нуала ќе ви направи обиколка на островот и ќе ви ги покаже сите пештери и скриени места.Таа е жена која ја не може да се помири со судбината дека го изгубила бебето, единствената надеж за живот.И од тој момент нејзиниот живот е како една безвредна “Нула” како што и’ е и името,без да дознае што понатаму ќе се случи.

    Овој роман ми предизвика толку измешани чувства и емоции што почнав да сочувствувам со Нуала.Но,исто така ми побуди и бес кон еден лик во романот што да можев би и удрила шамар-два.Која е таа да одлучува дали ќе живее едно невино,мало,слатко,живо, тукушто родено бебе.Без разлика кој е таткото ,секое новороденче има свое право на живот.А мајката со неговата загуба е неутешна,ја губи секоја надеж за живот,бидејќи нишката за која е фатена во еден момент се кине.И така Нуала паѓа на земја,но по тој удар таа никогаш нема да се освести.Ќе биде присутна,но само физички,а психички ќе продолжи да тагува и да го бара своето чедо кое и’ е одземено од рацете.Таа останува заробена во еден временски јаз од кој нема да се ослободи.

    Дефинитивно ви ја препорачувам книгата,а за АНТОЛОГ – Книжевен центар едно големо “Браво” за насловите кои ни ги нуди во последно време.

Add a review

Your email address will not be published. Required fields are marked *

Кошничка

Како да нарачам

Со одбирање на копчето ВО КОШНИЧКА што се наоѓа покрај секој продукт, продуктот се префрла во вашата кошничка.
Одберете ВИДИ КОШНИЧКА доколку сакате да ja промените кошничката.
Одберете НАРАЧАЈ ВЕДНАШ доколку сте ги одбрале сите барани продукти.
Точно потполнете ги сите потребни информации.
Уплатата може да ја извршите со картичка или со уплата во банка.
Цената на испораката во Македонија е 120 денари.
Рокот за испорака е од 2 до 3 работни денови.
ПОВЕЌЕ

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram