Опис
Интерпретативниот фокус на Лидија Капушевска-Дракулевска во книгата Писма и поетики е разновиден, комплексен и богат. Со истанчено чувство за финесите на книжевно-уметничките дела, авторката ги препознава, ги проучува и вешто ги предочува сродностите и(ли) разликите, универзалните вредности и посебностите на одделните „писма и поетики“.
Композициски, книгата Писма и поетики содржи дваесет и пет текстови, тематски распоредени во пет циклуси и тоа: Едно име – една поетика, Лирски писма, Фантастични и(ли) реалистични писма, Вкрстени писма и поетики и Критичко-есеистички писма. Се работи за студии и есеи жанровски ориентирани кон поезијата, прозата, компаратистиката и критиката. Во дел од студиите се промислуваат поетиките на клучни имиња од современата македонска книжевност, но и писмата на автори и дела од други литератури, главно од европскиот културен ареал.
Рецензии
Сѐ уште нема мислења