Опис
Поетската збирка од триесетина страници е лирски запис на случки, настани, сеќавања, односно содржи триесетина песни што се занимаваат со вакви и слични лични теми, поделени во три циклуси – „Македонија“, „Конецот на вистината“ и „Лик – Слика – Неприлика“.
Првиот циклус се занимава со аспекти од материјалното и духовното наследство на Македонија и возбудата на авторката при откривање на тоа богатство што го зацврстува чувството за нејзиниот национален бит.
Вториот циклус со четиринаесетина песни се занимава со рефлексии за одредени случки и настани и длабење на вертикалата на философскиот начин на гледање – од посебното и интимното кон општото и универзалното.
Во третиот циклус, составен од десетина песни, книгата се навраќа на портрети и ликови што оставиле впечаток и предизвикале размисли за меѓучовечките односи што зазеле добар дел од емотивниот и мисловниот живот на еден човек преточен во песни.
Еве ги ѕидовите, уште се тука,
како белодробни крила,
порозни за веднаш да го впијат поривот,
меката радост на срцето во послушание.
Рацете што се зафатиле некогаш со изобразување,
со образот, се тука вечно по ѕидовите
како задржан здив, како шепотот на бојата
во зачекорен(а) приказ(на) за Вистината…
Рецензии
Сѐ уште нема мислења