Дете – тоа гордо звучи (тврд повез)

Изборот од поетското творештво на Блаже Конески содржан во книгава „Дете – тоа гордо звучи“ (со наслов позајмен од стих од негова песна) е направен од десетина негови поетски збирки, како и од збирката прозни записи „Дневник по многу години“.
Преку неа се отвораат нови можности и видици за учениците од основните училишта видливо и читливо да се уверат во сестраната насоченост на неговиот креативен дух, а на надлежните институции да ја увидат потребата од прогласување на дел од творештвото на овој наш неповторлив книжевен и јазичен родоначалник за дел од задолжителната лектира во основните училишта.
„Останува само да се каже дека оваа идеја Конески да се осознае, да се чита и како поет за деца, е за една ГОЛЕМА ПЕТКА! А требаше ли да поминат години и години за да го спознаеме Конески и како поет за деца?! Очигледно ДА! Но најбитно е што, кога-тогаш, еве ни го! Еве им го и на децата! Децата што го носат потенцијалот на човековата иднина, онаа иднина што ја посакуваме, на која се на­деваме, но која исто така не можеме докрај да ја предвидиме или да ја насочиме, а уште помалку и да ја контролираме.“

проф. д-р Весна Мојсова Чепишевска