Опис
Прв дел: Кошмарите
Меѓу пукнатините на реалноста и имагинацијата, Демон Џонс со сигурност знае само дека е маѓепсник. Неговата моќ да создава магиско оружје ја крие со години, но откако се запознава со други маѓепсници, неговата тајна е откриена. Сега тој е прогонуван заедно со другите маѓепсници од групата убијци наречени Витези, кои сакаат да ги истребат сите кои се поврзани со магијата, но и од човекот со сини очи кој еден ден се појавува во неговиот дом и се обидува да го убие. Демон ги спасува оние маѓепсници кои не знаат за Витезите, но внатре во себе крие ужасни тајни од своето минато, кои го спречуваат да продолжи да помага. Тајни кои се причина за неговото чудно однесување и постојано молчење. Тајни кои го имаат привлечено ѓаволот од неговите кошмари. Тајни на кои ни самиот не се сеќава.
Навечер, кога ноќта ќе го скрие од сите други, тој започнува да пишува дневник. Дневникот на Демон Џонс.
Natasha Tanaskoska Todevska (verified owner) –
Нешто ново, свежо, не враќа во минатото кога сé беше возможно, во светот на магијата, борбата меѓу темнината и светлината кој секој еден ја води сам со себе, барајќи сила одново и одново да се одбере правилното. Секогаш не се успева во истото, но само упорноста и храброста нé води кон посакуваното. Читајќи ја книгата, ме исполнува со надеж и ми влева сила повторно да ги сонувам и остварувам соништата кои останале под правта на секојдневието. Топло и искрено ја препорачувам на секој кој уште има барем мал сноб на светлина од она авантуристичкото кое треба да се истражи.
поздрав,
Наташа Танаскоска