Опис
Малеш или Малешевија – област во источниот дел од Македонија; со градовите Берово и Пехчево; и Пијанец – северно од малешевскиот крај со „главен град“ Делчево; и со педесетината селски населби во нивното опкружување; се главните локации на кои се одвива дејствието на овој роман. Притоа треба веднаш да се нагласи дека тој нема претензии фактографски да биде третиран како историски и да биде класифициран како таков, затоа што главниот јунак во него, Китан, како и целата негова дружина, и нивните роднини и сограѓани се плод на писателовата фикција и на уметничката слобода.
Значи: со нив може да се идентификуваат и безброј други личности од бурното македонско минато, а и да се однесуваат и сместуваат и во други предели и временски периоди. Следствено на тоа, ова дело воедно ги олицетворува и храброста и јунаштвата на безбројните македонски борци за слобода, повеќе или помалку познати, па како и тие да се именувале во различни периоди.
Сепак, бидејќи стожерот на носечкото дејствие најмногу и пред сè се одвива во веќе посочените региони, не можеме, а – покрај сите други личности од Македонија и од сите страни на светот, кои фигурираат меѓу странициве – да не ги спомнеме и да не се потсетиме барем уште само на неколку славни имиња од пред Илинденскиот и по Илинденскиот период од овие области: Дедо Иљо Марков Малешевски, Атанас Раздолов, Димитри Поп Георгиев Беровски, Никола Русински… и многу, многу други!
Рецензии
Сѐ уште нема мислења