Опис
„Срце во мозокот“ е најновата поетска книга на Ристо Лазаров, познат македонски поет, добитник на државната награда „11 октомври“ за животно дело, како и наградите „Браќа Миладиновци“ на СВП, „Ацо Шопов“ на ДПМ, „13 ноември“ на град Скопје и други. Застапуван е во релевантните антологии на македонска поезија. Книгите му се преведени на десетина странски јазици.
Книгата „Срце во мозокот“ е уште една потврда на неговиот обилен и богат творечки континуитет. Песните се распоредени во седум циклуса по седум песни, плус една (насловната) одделно. Лазаров одамна е дел од пантеонот на македонската поезија, а неговата триесет и петта збирка само го цементира тоа место.
„’Никавоста‘ на несносливата живеачка ’при секое добро утро, добар ден‘, по вечерната виртуелна средба со внуката во туѓина (преку мобилниот телефон), се трансформира во ’некаквоста‘ на сонот и трае ’до првото добро утро‘. Оваа топла човечка приказна која живот значи, е надежта сокриена во книгата-кутија ’Срце во мозокот‘ на Ристо Лазаров. За разлика од Пандорината, оваа кутија чека да биде отворена. Ви треба само ’срце во мозокот‘..“
Лидија Капушевска Дракулевска
Рецензии
Сѐ уште нема мислења