Рецензија од прв читател: Билјана за „Пирамидите на денот“ од Даина Ополскаите

  /  Рецензии   /  Рецензија од прв читател: Билјана за „Пирамидите на денот“ од Даина Ополскаите

Рецензија од прв читател: Билјана за „Пирамидите на денот“ од Даина Ополскаите

 

 

Сите имаме моменти и случувања кои засекогаш ќе ги паметиме, без оглед колку години сме имале. Сеќавањето постојано се обновува, секој страв, секоја болка останува засекогаш и ниедно време не е во состојба да го однесе со себе.

Пирамидите на денот е збирка од 13 раскази, 13 различни приказни кои, нешто налик на филаменти кои дејствуваат како мрежна структура, ги поврзува семејството и семејните односи. Раскази за довербата, предавството и изневерата. За молкот како избор, не затоа што нема што да се каже – молкот самиот по себе зборува.

Дали сите тежнееме кон еден нормален, мирен живот, без никакви перипетии, да гледаме само вистински нешта, да слушаме само јасни звуци, во свет каде зборовите соодветствуваат на мислите? Или сме само кутри актери, уморни и духовно остарени од секојдневните улоги?

Маестрално дело, кое со благи мистични елементи ни го прикажува страдањето на ликовите, од изневерата, од понижувањето и омаловажувањето, од една страна и летаргијата на оние другите – реквиемот на моралот, од друга страна. Раскази, еднакво болни како тагата по загубените блиски и еднакво чудни како сонот во последната REM фаза.

Мој длабок наклон! И за крај, вдахнете само малку повеќе љубов и доверба во семејството и ќе сфатите дека тоа е перпетуум мобиле, може да функционира бесконечно, без надворешен извор на енергија.

 

Пишува: Билјана Ц. Наумовска

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram