Златко-Златец

Опис

„Романот Златко-Златец од авторот Велко Неделковски, наш мошне продуктивен и сестран творец, е со поднаслов ’серија мини-романи за деца и млади‘ и содржи четири изразито инвентивни и духовито насловени целинки: ’Златко-Златец и Томчуле Мац; Златко-Златец и Мишко од Доцниленд; Златко-Златец и жед за аплаузи; Златко-Златец и четири симцези‘. Четири целинки – во едно виртуозно компонирано литерарно ремек-дело; кое, еве, е вклопено меѓу корици како 20-та книга за деца и млади на овој ’мајстор на пишуваниот збор, а велемајстор на дијалогот‘. Писател што секогаш успева вешто да го ’завитка едукативното во фабуларното‘, а меѓу сè друго – и дискретно да разведри, и да развее смеа и црвенило врз детските обравчиња, и ненаметливо да ги поучи.“

Александар Кујунџиски