Опис
Дејството се одигрува во Брно во текот на еден ден на самиот крај од војната, 30 април 1945 година. Се повлекуваат голем дел од вермахтот и од СС-дивизиите. Се враќаат заробениците од концентрационите логори, но нивните куќи и станови веќе се зафатени. Нема струја, гас, водоводот е уништен, се погребуваат луѓето по градините и по парковите. Се создало таканаречено нулто време, владеат хаос и несигурност што ќе се случи утре, а луѓето се подготвени да го ограбат и својот најблизок. Во таква ситуација еден човек тргнува да бара пеницилин, лекот што прави чуда, потрага штона моменти се претвора во детективска приказна.
Романот е номиниран за наградата „Магнезија литера 2013“.
