Нешто не е во ред?

Опис

Храбра жена, уште похрабри стихови, е заклучокот додека се чита оваа ретка книга, што ни ја претставува за првпат една од најважните поетеси од Хрватска. Песните се обични и секому достапни со леснотијата на стилот, полни со ироничен поглед кон реалноста и полни со необични случки кои го заслужуваат интересот на секој читател.
Како што вели и една од критиките во Германија „Текстовите на Громача се благородни бидејќи потекнуваат и од ладнокрвната смелост и од најголемата љубезност. Громача пишува од точка на гледање во која желбата за широчина на љубовта се спротивставува на тесноградоста и заслепеноста од национализам. Во Загреб е славена како чудесна појава, како Ингеборг Бахман на Балканот.“

СПИЧКАНА ЖЕНСКА
Заминува наутро, се враќа нешто пред ТВ-дневникот.
Западно работно време.
Долг црн капут, сива светлина на нејзиното лице.
Коса воврена зад увото.
Во нејзиното сандаче нема ништо
освен реклами за бесплатно доставување пици
и сметки за вода и греење.
Ја отклучува вратата, ги фрла работите на подот.
Се измива и додека се брише со мекиот фротир
долго гледа во своето лице во огледалото.
Ја облекува старата лита тренерка и седнува пред ТВ.
Го подгрева јадењето од вчера.
Гледа низ прозорецот, си ги мие забите.
Најпосле, оди да спие.